KOBİA “AmCham Azərbaycan” ilə əməkdaşlığa dair atılacaq addımları müzakirə edib
Bakı, 8 iyun, AZƏRTAC
Kiçik və Orta Biznesin İnkişafı Agentliyinin (KOBİA) İdarə Heyətinin sədri Orxan Məmmədov Azərbaycanda Amerika Ticarət Palatasının (“AmCham Azərbaycan”) rəhbəri Nərgiz Nasrullayeva-Müdüroğlu və palatanın üzvləri ilə görüşüb.
KOBİA-dan AZƏRTAC-a bildirilib ki, görüşdə birgə əməkdaşlığa dair atılacaq addımlar, o cümlədən innovativ təşəbbüslərə əsaslanan layihələrin və startapların inkişafının dəstəkləməsi, biznes etikası, korporativ idarəetmə və sosial məsuliyyət barədə birgə təşviqedici tədbirlərin həyata keçirilməsinə dair fikir mübadiləsi aparılıb. Həmçinin korporativ standartların mikro, kiçik və orta sahibkarlar arasında təşviqi, “Green energy” ilə bağlı müvafiq assosiasiyalarla birgə tədbirlərin təşkili müzakirə edilib.
Bölmənin digər xəbərləri
