KOLUMBİYADA 13 İLDƏ 125 JURNALİST QƏTLƏ YETİRİLMİŞDİR
AZƏRTAC xəbər verir ki, Kolumbiyada son 13 il ərzində 125 jurnalist qətlə yetirlmişdir. Onlar əksəriyyəti narkomafiyanın, ultrasağ və solçu silahlı qruplaşmaların qurbanları olmuşlar. Bunu sentyabrın 3-də Amerika Mətbuat Birliyi (AMB) bildirmişdir.
Onun məlumatına görə, KİV nümayəndələrinə qarşı törədilmiş cinayətlərə görə qətllərin cəmi 16 bilavasitə icraçısı və 2 təşkilatçısı məhkum edilmişdir.
AMB belə nəticəyə gəlmişdir ki, cəzasızlıq Kolumbiya jurnalistlərinin cəsarətli çıxışlarına qarşı terrorun azğınlığının əsas səbəblərindən biridir. Məsələn, narkomafiyanın cinayətkar fəaliyyətini ifşa edən jurnalist Orlando Serrının qatili 2002-ci ildə 19 il həbs cəzasına məhkum edilmiş, lakin beş ildən sonra azadlığa buraxılmışdır.
AMB-nin məlumatına görə, son illər ərzində Amerika qitəsində 334 jurnalist cinayətkarların qurbanı olmuşdur.
Bölmənin digər xəbərləri
