Kommersiya qurumlarının 78,7 faizi elektron qaydada qeydiyyata alınıb
Bakı, 20 fevral, AZƏRTAC
2023-cü ilin fevral ayının 1-nə respublika üzrə uçotda olan 1 milyon 409 min 597 vergiödəyicisinin 87,3 faizi fiziki şəxslər, 12,7 faizi hüquqi şəxslər və digər təşkilatlar olub. 2022-ci ilin yanvar ayı ilə müqayisədə vergiödəyicilərinin ümumi sayı 5 faiz, o cümlədən kommersiya qurumlarının sayı 10,5 faiz artıb.
Dövlət Vergi Xidmətindən AZƏRTAC-a bildirilib ki, yanvar ayı ərzində 1237 kommersiya qurumu dövlət qeydiyyatından keçib ki, bu da ötən ilin müvafiq dövrü ilə müqayisədə 18,9 faiz çoxdur. Yanvar ayında qeydiyyatdan keçmiş kommersiya qurumlarının 78,7 faizi elektron qaydada, 21,3 faizi kağız daşıyıcılarda edilmiş müraciətlər əsasında qeydə alınıb.
Bölmənin digər xəbərləri
