KÖRPƏ 6 SAATDAN SONRA YENİDƏN HƏYATA QAYITMIŞDIR
AZƏRTAC-ın xüsusi müxbiri xarici KİV-lərə istinadla xəbər verir ki, öldüyü zənn edilən körpə 6 saatdan sonra yenidən həyata qayıtmışdır.
İsrailli qadın dünyaya gətirdiyi körpəsinin ağrılardan əziyyət çəkdiyini görüb onu həkimlərə göstərmişdir. Balacanı müayinə etmiş həkimlər onun öldüyünü bildirmiş və körpənin meyidini ölüxanaya qoymuşlar.
Körpəsini torpağa tapşırmaq istəyən ana ölüxanada onun ürəyinin çox zəif döyündüyünü duymuşdur. Vaxtından xeyli əvvəl doğulmuş 600 qramlıq körpə ölüxanada 6 saat qaldıqdan sonra yenidən həyata qayıtmışdır.
Hazırda həkimlər körpəyə ciddi nəzarət edirlər. Onların fikrinə görə, uşağın sağ qalma ehtimalı çox azdır.
Bölmənin digər xəbərləri
