Kraliça II Elizabetin vəfatı ilə əlaqədar Britaniyanın Azərbaycandakı səfirliyində dövlət bayrağı endirilib
Bakı, 9 sentyabr, AZƏRTAC
Kraliça II Elizabetin vəfatı ilə əlaqədar Böyük Britaniyanın Azərbaycandakı səfirliyinin inzibati binasında və səfirin iqamətgahında dövlət bayrağı endirilib.
Səfirlikdən AZƏRTAC-a bildiriblər ki, eyni zamanda, Kraliçanın ölümü ilə əlaqədar öz ürək sözlərini yazmaq istəyənlər üçün matəm kitabı açılıb.
Qeyd edək ki, dünyanın müxtəlif ölkələrində yaşayan və Kraliçanın vəfatı ilə əlaqədar öz hisslərini bölüşmək istəyən şəxslər ürək sözlərini onlayn formada açılan matəm kitabına yaza bilərlər.
Bölmənin digər xəbərləri
