Kreml Putinlə Tramp arasında telefon danışığını təsdiqləyib
Moskva, 16 oktyabr, AZƏRTAC
Rusiya Prezidenti Vladimir Putin və ABŞ Prezidenti Donald Tramp arasında telefon danışığı həqiqətən də hazırda gedir.
AZƏRTAC xəbər verir ki, bu məlumatı Rusiya liderinin mətbuat katibi Dmitri Peskov da təsdiqləyib. Bundan əvvəl Donald Tramp sosial media hesabında hazırda Vladimir Putinlə danışdığını paylaşıb.
“Mən hazırda Prezident Putinlə danışıram. Söhbət davam edir, o, kifayət qədər uzun müddət davam edir. Sona çatdıqda söhbətin məzmunu barədə məlumat verəcəyəm. Bu məsələyə diqqətinizə görə təşəkkür edirəm!”, - deyə Amerika lideri qeyd edib.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
