Latviya biznes üçün ən əlverişli ölkələrin reytinqində 36-cı yerdədir
Riqa, 21 dekabr, AZƏRTAC
“Forbes” jurnalının hesabatına görə, Latviya biznes üçün ən əlverişli ölkələrin reytinqində 36-cı, Baltik ölkələri arasında isə sonuncu yerdədir. Azərbaycan bu reytinqdə Ermənistanın (81), Moldovanı (87) və Belarusu (88) geridə qoyaraq 70-ci yeri tutur.
AZƏRTAC xəbər verir ki, reytinq cədvəlində Böyük Britaniya öncüllük edir. Hətta 2019-cu ilin martında bu ölkənin Avropa İttifaqından çıxacağı faktı da Londonun mövqeyinə təsir etməyib. Bundan başqa, hesabat müəllifləri hesab edirlər ki, “Brexit” inkişaf etmiş iqtisadiyyatı olan bu dövlətin hökumətinə nöqsanları aradan qaldırmaq üçün daha bir fürsət verir.
Keçmiş sovet respublikaları arasında ən yaxşı nəticələri Litva (27), Estoniya (28) və Latviya (36) göstəriblər.
ABŞ bu siyahıda 17-ci, Çin isə 49-cu yerdədir. Sonuncu yerlərdə Çad, Ekvatorial Qvineya, Qvineya-Bisau, Konqo və Mərkəzi Afrika Respublikası qərarlaşıblar.
Aygün Əliyeva
AZƏRTAC-ın xüsusi müxbiri
Riqa
Bölmənin digər xəbərləri
