Latviyada ölüm halları ötən illə müqayisədə 17 faiz artıb
Riqa, 16 noyabr, AZƏRTAC
Carı ilin sentyabr ayına qədər Latviyada 24 min 103 ölüm halı qeydə alınıb ki, bu da ötən ilin doqquz ayı ilə müqayisədə 17 faiz çoxdur.
AZƏRTAC ölkə mətbuatına istinadla xəbər verir ki, bu barədə məlumatı Latviyanın Mərkəzi Statistika Departamenti yayıb.
Məlumatda bildirilir ki, COVID-19 pandemiyası ölüm hallarının artmasına səbəb olub və carı ilin hər ayında ölənlərin sayı ötən ilin müvafiq aylarının rəqəmlərini geridə qoyub.
Departamentin məlumatına əsasən, Latviyada bütün yaş qruplarında ölüm sayı artsa da, carı ildə 60 yaşdan yuxarı insanlar arasında ölənlərin sayı ötən ilin 1-42 həftələri ilə müqayisədə 20 faiz çox olub.
Qeyd edilib ki, carı ilin ilk doqquz ayı ərzində ölkədə əhalinin sayı 11 min nəfər azalıb, belə ki, ölənlərin sayı doğulanların sayından çox olub.
2021-ci il oktyabr ayına olan məlumata görə, Latviyanın əhalisi 1 milyon 880 min nəfər təşkil edir.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
