LƏNKƏRANDA LİMAN TİKİLİR
Burada sahildən başlayaraq, Xəzər dənizinin içərilərinə doğru 200 metr uzunluğunda estakada-körpü qurulacaq, ofis, 4 anbar, 2 bərə, 2 soyuducu kamera və digər yardımçı tikililər inşa ediləcəkdir. Limanı 2004-cü ilin sonunadək istifadəyə vermək nəzərdə tutulmuşdur.
Lənkəran Rayon İcra Hakimiyyətindən AZƏRTAC-ın müxbirinə bildirmişlər ki, bu mühüm obyekt istifadəyə verildikdən sonra respublikamızın cənub bölgəsində istehsal olunan kənd təsərrüfatı məhsullarının Şimal və Şərq ölkələrinə ixracına imkan yaranacaq, regionda turizm infrastrukturu daha da zənginləşəcək, xarici sərmayədarların bölgəyə marağı artacaqdır. Limanda 100 nəfər yeni iş yeri ilə təmin olunacaqdır.
Bölmənin digər xəbərləri
