Lənkəranda uşaqlar üçün konsert təşkil edilmişdir
Lənkəran, 21 noyabr (AZƏRTAC). Nəcəf bəy Vəzirov adına Lənkəran Dövlət Dram Teatrında Ümumdünya Uşaqlar Günü ilə bağlı balacalar üçün konsert təşkil edilmişdir.
AZƏRTAC xəbər verir ki, “Мüstəqil Həyat” İnkişaf və Dəstək Mərkəzi İctimai Birliyinin təşəbbüsü, Lənkəran Şəhər İcra Hakimiyyətinin təşkilati, Əmək və Əhalinin Sosial Müdafiəsi Nazirliyinin maliyyə dəstəyi ilə baş tutmuş mədəni tədbirdən əvvəl tamaşaçılar teatrın foyesində yeniyetmə gənclərin əl işlərindən ibarət sənət nümunələri və rəsm sərgisi ilə tanış olmuşlar.
Konsertdə müxtəlif yaş qruplarından olan yeniyetmə gənclər mahnılar ifa etmiş, şeirlər söyləmişlər.
Konsertdə, həmçinin, Lənkəran şəhər təhsil şöbəsinin nəzdində fəaliyyət göstərən orta ümumtəhsil məktəblərinin şagirdlərinin ifasında müxtəlif rəqs nümunələri təqdim olunmuşdur.
Bölmənin digər xəbərləri
