LƏNKƏRANIN FEYXOA BAĞLARINDA YIĞIM BAŞLANMIŞDIR
AZƏRTAC xəbər verir ki, noyabrın ilk günlərindən başlayaraq Lənkəran rayonunun feyxoa bağlarında məhsul yığımına başlanmışdır.
Regionların sosial-iqtisadi inkişafı Dövlət proqramında nəzərdə tutulan tədbirlərə müvafiq olaraq, son 5 il ərzində Lənkəran rayonunda 300 hektardan çox ərazidə sitrus və subtropik meyvə bağları bərpa edilmiş, 100 hektardan artıq sahədə yeni bağlar salınmışdır.
Rayonun Rvo ərazi icra nümayəndəliyinə daxil olan 8 kənddə 116 hektar feyxoa bağı vardır. İndi bu bağların hər hektarından 5 ton məhsul yığılır.
Qurumba kəndində isə torpaq mülkiyyətçiləri sovxoz dövründən qalmış 43 hektar feyxoa bağını qoruyub saxalaya bilmişlər.
2009-cu ildə Lənkəranda sitrus və subtropik meyvələrin emalı müəssisəsinin inşası nəzərdə tutulmuşdur. Bu isə torpaq mülkiyyətçilərinə və fermerlərə istehsal etdikləri məhsulların satışında olan problemləri aradan qaldırmağa kömək edəcəkdir.
Bölmənin digər xəbərləri
