Lerikdə avtomobil dərəyə aşıb, bir nəfər ölüb
Lerik, 10 dekabr, İlkin Adıyev, AZƏRTAC
Lerikdə yol kənarında dayanmış avtomobil qəfildən hərəkətə gəlib və dərəyə aşıb.
AZƏRTAC-ın bölgə müxbiri xəbər verir ki, hadisə axşam saatlarında rayonun Dico kəndi ərazisində qeydə alınıb.
Lerik rayonunun Tikaband kənd sakini Akif Ağacanov idarə etdiyi “Niva” markalı avtomobili yol kənarında saxlayaraq maşından düşüb. Bir neçə dəqiqə sonra nəqliyyat vasitəsi naməlum səbəbdən hərəkətə gəlib və dərəyə aşıb.
Qəza zamanı avtomobildə sərnişin qismində olan sürücünün bacısı, 1973-cü il təvəllüdlü Yeganə Ağacanova aldığı ağır xəsarətlərdən hadisə yerində dünyasını dəyişib.
Meyit daxili və xarici tibbi müayinələrin aparılması üçün Məhkəmə Tibbi Ekspertiza və Patoloji Anatomiya Birliyinin Lənkəran rayonlararası zona mərkəzinə təhvil verilib.
Hadisə ilə bağlı araşdırma aparılır.
Bölmənin digər xəbərləri
