Ləzədə 2 santimetr hündürlüyündə qar yağıb
Bakı, 22 aprel, AZƏRTAC
Ekologiya və Təbii Sərvətlər Nazirliyinin Milli Hidrometeorologiya Departamenti faktiki hava şəraiti ilə bağlı məlumat yayıb.
Məlumatda bildirilir ki, əvvəlcədən xəbər verildiyi kimi, aprelin 22-də ölkə ərazisində hava şəraiti dəyişərək qeyri-sabit keçib, güclü şimal-qərb küləyi əsib, şimşək çaxıb, əksər rayonlarda yağış, dağlıq rayonlarda 1-9 millimetr qar yağıb. Qar örtüyü əmələ gəlib, qar örtüyünün hündürlüyü Ləzədə 2 santimetr olub.
Havanın temperaturu 10-12 dərəcə enib. Qeyri-sabit hava şəraiti aprelin 23-dək davam edəcək.
Bölmənin digər xəbərləri
