Litvada koronavirusa yoluxanların sayı 1733 nəfərə çatıb
Vilnüs, 10 iyun, AZƏRTAC
Litvada koronavirusa (COVID-19) yoluxanların sayı 1733 nəfərə çatıb.
AZƏRTAC xəbər verir ki, bu barədə Litvanın Səhiyyə Nazirliyi məlumat yayıb.
Məlumatda bildirilib ki, epidemiyanın yayıldığı tarixdən bəri ölkədə 345 min 392 nəfər müayinə olunub. Son sutka ərzində COVID-19 virusuna görə 5319 nəfərdən analiz götürülüb.
İndiyədək ölkədə COVID-19-dan 74 ölüm faktı qeydə alınıb, sağalanların sayı isə 1369 nəfər təşkil edib.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
