LONDONDA DÜNYADA İLK “YAŞIL” GECƏ KLUBU AÇILMIŞDIR
AZƏRTAC xəbər verir ki, iyulun 10-da axşam dünyada ilk ekoloji gecə klubu açılmışdır. Bunu Britaniya KİV-lərinə klubun sahibi, 35 yaşlı biznesmen Endrü Haralambus bildirmişdir.
“Surya” klubu (sanskrit dilindən “Günəş Allahı” kimi tərcümə olunur) Londonun şimalında İslinqton rayonunda yerləşir. Burada külək turbinləri və günəş enerjisi ilə işləyən enerji sistemi vardır. Klub elektrik enerjisinin “artıqlarını” yerli sakinlərlə bölüşmək niyyətindədir.
Var-dövləti 100 milyon funt sterlinqdən çox olan Haralambus demişdir: “Biz külək turbinləri və günəş enrjisi ilə 14-20 yerli sakinin elektrik enerjisinə tələbatını ödəmək niyyətindəyik. Beləliklə, biz dünyada pulsuz elektrik enerjisi göndərən ilk biznesik”.
Klubun tikilməsinə öz cibindən milyon funt sterlinq xərcləyən Haralambus demişdir: “Bizim fikrimizcə, əgər burada fəal rəqs etsələr, rəqs meydançası klubun binası üçün lazım olan elektrik enerjisinin 60 faizini təmin edə bilər.
Haralambus “Surya” klubunun mənfəətinin bir hissəsini xeyriyyəçiliyə sərf edəcəyini vəd etmişdir. Onun fikrincə, klub Londonun ən dəbdə olan əyləncə yerlərindən biri olmalıdır.
Bölmənin digər xəbərləri
