Luis Felipe Skolari “Kruzeyro”dan gedib
Bakı, 26 yanvar, AZƏRTAC
Dünya futbolunun ən titullu baş məşqçilərindən, 2002-ci ildə Braziliya millisinə dünya çempionluğu qazandırmış Luis Felipe Skolari “Kruzeyro”dan gedib.
AZƏRTAC xəbər verir ki, ötən il bu vəzifəyə təyin edilmiş braziliyalının müqaviləsinə qarşılıqlı razılıq əsasında xitam verilib.
Xatırladaq ki, 72 yaşlı Skolari 2000-2001-ci il mövsümündə də bu komandaya rəhbərlik etmişdi. Daha sonra isə Braziliya millisinin sükanı arxasına keçərək karyerasının ən böyük nailiyyətini qazanmışdı.
Bölmənin digər xəbərləri
