Luis Hamilton: Qazandığım nailiyyətə görə ailəmə və “Mercedes” komandasına minnətdaram
Bakı, 30 oktyabr, AZƏRTAC
Avtodroma gələn və yarışı izləyən hər bir azarkeşə təşəkkürümü bildirirəm. İnanıram ki, maraqlı yarış keçdi. Digər Qran-prilərdə də çılğın azarkeşlərlə rastlaşmışam. Ancaq meksikalı azarkeşlər yarış zamanı möhtəşəm atmosfer yaratdılar.
AZƏRTAC xəbər verir ki, bu sözləri Formula-1 Meksika Qran-prisində mövsümün başa çatmasına iki mərhələ qalmış dördüncü dəfə dünya çempionu olan “Mercedes”in britaniyalı pilotu Luis Hamilton deyib.
“Bu gün əlimdən gələni etdim. Hələ də inana bilmirəm ki, Formula-1 yarışlarında dördüncü titulumu qazanmışam. Etiraf etməliyəm ki, Meksika Qran-prisi heç də mənim üçün asan olmadı. Hamınız gərgin idman mübarizəsinin şahidi oldunuz. Qran-pridə sonadək mübarizə aparıb xal qazanmağı bacardım”, - deyə Luis Hamilton əlavə edib.
Britaniyalı pilot bildirib: “Qazandığım nailiyyətə görə ailəmə və “Mercedes” komandasına təşəkkürümü bildirirəm. Onların 5 il ərzində böyük nailiyyətlərə imza atmağımda böyük payları var. Mən fəxr edirəm ki, “Mercedes” komandasında çıxış edirəm”.
Bölmənin digər xəbərləri
