Macarıstan millisinin sabiq futbolçusu: “Qarabağ”ın əsas silahı Qurban Qurbanovdur
Bakı, 19 avqust, AZƏRTAC
“Ferensvaroş” ilə “Qarabağ” indiyədək oxşar nəticələr əldə ediblər.
AZƏRTAC xəbər verir ki, bu sözləri Macarıstanın millisinin və “Ferensvaroş” komandasının sabiq futbolçusu Yanoş Xrutka Budapeşt təmsilçisinin UEFA Çempionlar Liqasının pley-off mərhələsində “Qarabağ”la keçirəcəyi oyunlar barədə danışarkən deyib.
Veteran yarımmüdafiəçi matçın taleyini xırda detalların həll edə biləcəyini söyləyib: “Qarabağ”ın əsas silahı 2008-ci ildən komandaya rəhbərlik edən baş məşqçisi Qurban Qurbanovdur. Onun beynəlxalq arenada yaxşı təcrübəsi var”.
Qeyd edək ki, bu gün keçiriləcək “Ferensvaroş” – “Qarabağ” oyunu Bakı vaxtı ilə saat 23:00-da başlayacaq. Cavab qarşılaşması avqustun 27-də Bakıda olacaq.
Bölmənin digər xəbərləri
