MADRİDDƏ TƏYYARƏ QƏZASI NƏTİCƏSİNDƏ 45 ADAM HƏLAK OLMUŞDUR

20.08.2008 [00:21]
Çap et
A⁺ A^-

AZƏRTAC İTAR-TASS-a istinadla xəbər verir ki, xilasetmə xidmətlərinin məlumatına görə, İspaniyanın “Speyn eyr” aviaşirkətinə məxsus təyyarənin qəzaya uğraması nəticəsində 173 sərnişindən 45-i həlak olmuş, 50-dən çox adam yaralanmışdır. Madriddən Las-Palmasa uçan təyyarənin sərnişinlərinin əksəriyyəti Almaniya vətəndaşları idi.

“Skay nyus” telekanalının yaydığı məlumata görə, Baraxas hava limanından səmaya qalxan zaman təyyarənin sol mühərriki yanmağa başlamış və pilot məcburi enməli olmuşdur. Yerə toxunan zaman avialayner iki yerə parçalanmışdır. Telekanalın məlumatına görə, qəza qurbanlarının sayı arta bilər.

Hər il 40 milyon sərnişinə xidmət göstərən Baraxas Avropanın ən iri hava limanlarından biridir.