“Maklaren” 2017-ci il üçün pilotların heyətini müəyyən etməyə tələsmir
Bakı, 3 iyun, AZƏRTAC
“Maklaren” komandasının yürüşlər üzrə direktoru Erik Bulye bildirib ki, 2017-ci ildə Fernando Alonsonun tərəf-müqabilinin kim olacağı barədə hələlik heç bir danışıq aparılmayıb.
AZƏRTAC www.championat.com saytına istinadla bildirir ki, Censon Battonun kontraktının müddəti cari ilin sonunda başa çatır. Ehtimal ki, komanda Batton ilə yanaşı Stoffel Vandornun namizədliyini də nəzərdən keçirəcək.
Bulye deyib: “Biz heç bir pilotla heç bir məsələni müzakirə etməmişik, mövsüm təzəcə başlanıb və belə danışıqlar komandanı əsas məsələlərdən yayındırardı”.
Bununla bərabər, yürüşlər üzrə direktor qeyd edib ki, indiki mərhələdə kontraktlara dair danışıqlardan çəkinmək pilotları maksimum səy göstərməyə məcbur etməli olan planın bir hissəsidir.
Bölmənin digər xəbərləri
