Maliyyə Nazirliyinin istiqrazlarının yerləşdirilməsi üzrə hərrac keçirilib
Bakı, 22 may, AZƏRTAC
Mayın 22-də Bakı Fond Birjasında Maliyyə Nazirliyinin AZ0104004681 ISIN-li, 35 milyon manat həcmində, 364 gün tədavül müddətli dövlət qısamüddətli istiqrazlarının (DQİ) yerləşdirilməsi üzrə hərrac keçirilib.
BFB-dən AZƏRTAC-a verilən məlumata görə, hərrac zamanı 14 investor tərəfindən qiyməti intervalı 90.9544 AZN (9.9999 faiz) və 93.4915 AZN (6.9999 faiz) olan 27 sifariş təqdim edilib.
Maliyyə Nazirliyinin qərarına əsasən istiqrazların kəsmə qiyməti 92.1210 AZN (8.6000 faiz), orta ölçülmüş qiyməti 92.4764 AZN (8.1805 faiz) müəyyən edilib. Sifarişlərin nominal qiymətlə ümumi məbləği 163 993 200,00 AZN, yerləşdirilmiş həcmi isə 35 milyon manat təşkil edilib.
İstiqrazların ödəmə tarixi 2019-cu il mayın 21-dir.
Hərrac iştirakçıları 2018-ci il mayın 23-dək (t+1) istiqrazların alışı üzrə öhdəliklərini icra etməlidirlər.
Bölmənin digər xəbərləri
