Massa “Williams” komandası ilə yeni müqavilə barədə danışıqlar aparır
Bakı, 4 iyun, AZƏRTAC
Felipe Massa gələn il “Williams” komandasında Censon Battonun onu əvəz edəcəyi barədə şayiələrə görə narahatlıq keçirmir. 2000-ci ildən “Formula-1”də karyerasına başlamış Censon Batton “Williams”a qayıdıb.
Braziliyalı onu bu cür söhbətlərin narahat edib-etmədiyi sualına cavab verərkən deyib: “Əlbəttə ki, yox. “Formula-1” ilə bağlı şayiələrdən xəbərimiz var və sözün doğrusu, narahatlıq üçün məndə heç bir əsas yoxdur. Mənə “Williams”da işləmək çox xoşdur, mənə zövq verir və görürəm ki, bu, qarşılıqlıdır”.
Massa 2002-ci ildən “Formula-1” yarışında “Sauber”də çıxış edib, “Ferrari”nin pilotu olub, sonra bu komandada həmvətəni Rubens Barikellonu əvəz edib, 2014-cü ildə “Williams”a keçib. Bu mövsümdə çempionatın bütün altı yürüşündə xal toplaya bilmiş yeganə yürüşçüsüdür və hələlik Felipe “F1”dən ayrılmağa hazırlaşmır.
Massanın sözlərinə görə, o, artıq “Williams” ilə müqavilənin uzadılması barədə danışıqlara başlayıb: “Sözsüz ki, biz artıq bu istiqamətdə işləyirik. Birmənalı olaraq, mən gələn il nə baş verəcəyini gözləyərək vaxt itirməyə hazırlaşmıram. Ona görə də biz artıq müqavilə ilə məşğul oluruq”.
Bölmənin digər xəbərləri
