MAVİ YANACAQ CƏDVƏL ÜZRƏ BÖLÜŞDÜRÜLÜR
“Azəriqaz” Qapalı Səhmdar Cəmiyyətindən AZƏRTAC-a bildirmişlər ki, payız-qış mövsümündə istehlakçılar arasında qaz bölgüsü abonentlərin qazla təchizatı cədvəlinə müvafiq surətdə həyata keçirilir.
Hava şəraitinin pisləşməsi ilə əlaqədar Bakının qazla təchizatı sistemində əmələ gəlmiş bütün problemlər və nasazlıqlar aradan qaldırılmışdır. İndi “Azəriqaz” sisteminə gündə təxminən 12 milyon kubmetr qaz verilir.
Bundan əlavə, istehlakçıların ehtiyaclarını ödəmək üçün Qaradağ və Kalmas yeraltı qaz anbarlarından 3 milyon kubmetr həcmində mavi yanacaq götürülür.
Gün ərzində paytaxt abonentləri üçün təqribən 9 milyon kubmetr qaz verilir, qazın qalan hissəsi isə bölgələrdəki istehlakçılara göndərilir.
Xatırladaq ki, “Azəriqaz” QSC payız-qış mövsümünə hazırlıq çərçivəsində yeraltı qaz anbarlarına təxminən 500 milyon kubmetr mavi yanacaq vurmuşdur.
Bölmənin digər xəbərləri
