Mayın 1-dən sentyabrın 1-dək meliorativ kollektorlarda balıq ovu qadağandır
Bakı, 23 avqust, AZƏRTAC
2022-ci ilə qədər meliorativ kollektorlarda balıq ovu ilboyu davam edirdi. Elmi araşdırmalardan sonra məlum oldu ki, həmin kollektorlarda bəzi balıqların populyasiyasının çoxaldılması və həmin ərazilərə miqrasiyası müşahidə olundu. Bu səbəbdən müraciət əsasında 243 nömrəli Qərara dəyişiklik olundu və dəyişiklik avqustdan həyata keçirildi. Dəyişikliyə əsasən mayın 1-dən sentyabrın 1-nə kimi meliorativ kollektorlarda balıq ovuna qadağa tətbiq olundu.
AZƏRTAC xəbər verir ki, bunu Bioloji Müxtəlifliyin Qorunması Xidmətinin rəisi Firuddin Əliyev Ekologiya və Təbii Sərvətlər Nazirliyinin rəsmi feysbuk səhifəsində yayımlanan "Ekspert saatı"nda deyib.
Onun sözlərinə görə, qeyd edilən qadağa Xəzər dənizində də tətbiq olunub. Həmin müddətdə sənaye balıq ovu qadağan edilib.
Bölmənin digər xəbərləri
