Media: Polşada iş yerlərində kütləvi ixtisarlar dalğası artır
Bakı, 17 oktyabr, AZƏRTAC
Polşada işsizlərin sayı artmağa davam edir. Ekspertlərin fikrincə, kütləvi ixtisarların əsas səbəblərindən biri 20 minə yaxın şirkətin müflislik astanasında olduğu qonşu Almaniyadakı tənəzzüldür.
AZƏRTAC xəbər verir ki, “Dziennik Gazeta Prawna” qəzetinin məlumatına görə, avqustda daha 27 müəssisə kütləvi ixtisarlar barədə xəbərdarlıq edib. Nəticədə 19,8 min insan iş yerini itirib.
Kütləvi ixtisarların sayına görə, lider Lodz şəhəridir. 2024-cü ildə burada 8 müəssisə 1360 iş yerini ixtisar edib. “Beko Poland Manufacturing” şirkəti gələn il bu şəhərdəki müəssisəsində çalışan 1093 əməkdaşının da ixtisar olunacağını bildirib.
Varşavada isə bu ilin ötən dövründə 39 şirkət 5800 əməkdaşını işdən çıxarıb.
Bölmənin digər xəbərləri
