MEKSİKA VƏ PERUNUN KUBADAKI SƏFİRLƏRİ FİDEL KASTRONUN ÇIXIŞINDAN İNCİDİLƏR
Bunu Meksika Prezidenti Visente Foks bildirmişdir. Onun sözlərinə görə, Kuba səfirliyinin arzuolunmaz şəxs elan edilən əməkdaşı Orlando Silva da Meksikadan dərhal getməlidir. Meksikanın daxili işlər naziri Santyaqo Kril vurğulamışdır ki, Kuba KP MK-nın iki üzvünün Mexikoda bəzi hərəkətləri onların statusuna uyğun deyildir.
Meksika-Kuba münasibətləri, ənənəvi olaraq, dostluq və qarşılıqlı anlaşma əsasında qurulurdu. Lakin ABŞ-la yaxınlaşma xətti götürən Prezident Foks 2000-ci ildə hakimiyyətə gəldikdən sonra Kuba ilə münasibətlər korlanmışdır. İki ay əvvəl Meksika BMT-nin İnsan Hüquqları Komissiyasında ABŞ-ın Kuba hökumətinin siyasətini pisləyən qətnaməsinin lehinə səs verdikdən sonra Kuba ilə ixtilaflar son həddə çatmışdır. Meksikanın bu cür mövqeyi Havanada güclü etiraz doğurmuşdur.
Kuba lideri Fidel Kastro 1 May münasibətilə nitqində Meksika hökumətinin siyasətini şiddətli tənqid atəşinə tutmuşdur. Meksika səfirini Havanadan məhz buna görə geri çağırmışdır.
Perunun siyasəti və Prezident Alexandro Toledo da bu cür tənqidə məruz qalmışdır. Odur ki, Peru hökuməti buna dərhal və birmənalı şəkildə reaksiya vermiş, az səfirini Havanadan geri çağırmışdır.
Bölmənin digər xəbərləri
