MEKSİKADA QƏDİM HİNDİ EHRAMI TAPILMIŞDIR
Arxeoloqları təəccübləndirən bu olmuşdur ki, qədim abidənin üstünü cəmi 60 santimetr qalınlığında torpaq qatı örtmüşdür. Əsrlər boyu ehramı tapdalayanlardan heç birinin ayaqları altındakı bu abidədən xəbəri olmamışdır. Məsələ bundadır ki, taleyin hökmü ilə artıq XIX əsrdən Ulduz Təpəsində hər il teatrlaşdırılmış Dini həftə tamaşaları göstərilmişdir. Əvvəlcə tamaşıçılar vəba xəstəliyindən qurtulduqları üçün Tanrıya təşəkkürlərini bildirmək məqsədi ilə bura yığışırdılar. Sonralar bu, mədəni ənənəyə çevrilməyə başlamışdır. Dini bayramlarda hər dəfə azı bir milyon dindar iştirak ediyi üçün təpə tapdalanmış, ehram isə zədələnmişdir.
Arxeoloq Xesus Sançes demişdir ki, əvvəlcə yerli sakinlərdən heç biri onların nə kəşf etdiklərini anlamırdı. Lakin abidənin dəqiq həndəsi formaları təpənin yamaclarından təmizləndikcə şahidlərin gözləri qarşısında mehrablar və yaruslar canlananda inandılar ki, qarşılarındakı qədim mədəniyyətin heyrətamiz yadigarıdır.
Təpənin dini abidə olması faktı arxeoloqları kədərləndirmişdir, çünki burada qazıntılar aparmaq mümkün olmayacaqdır. Sançes demişdir: “Meksikanın həm qədim mədəniyyəti, həm də xristian mərasimləri irsimizin bir hissəsidir, ona görə də hər iki sərvəti hifz etmək yolunu tapmalıyıq.”
Bölmənin digər xəbərləri
