Məktəblərdə şikayətlərin araşdırılması nəticəsində aşkar edilmiş nöqsanlar aradan qaldırılıb
Bakı, 3 mart, AZƏRTAC
Təhsil hüququnun təmin edilməsi ilə bağlı ombudsmanın ünvanına daxil olmuş müraciətlər üzrə aparılmış araşdırmalar nəticəsində bir çox hallarda pozulmuş hüquqlar bərpa edilib, zəruri hallarda monitorinqlər həyata keçirilib, problemlərin təhlili aparılmış və bu sahədə fəaliyyətin təkmilləşdirilməsi ilə bağlı təklif və tövsiyələr verilib.
AZƏRTAC xəbər verir ki, bu sözləri Milli Məclisin İnsan hüquqları komitəsinin iclasında Ombudsmanın illik məruzəsinin müzakirəsi zamanı Ombudsman Aparatının rəhbəri Aydın Səfixanlı deyib.
O bildirib ki, ombudsmana ünvanlanmış şikayətlərdə öz əksini tapmış halların yoxlanılması prosesində bəzi məktəb direktorlarının müəllimlərə və şagirdlərə qarşı münasibətdə ayrı- seçkiliyə və digər qanun pozuntularına yol verməsi, pedaqoji kollektivdə gərgin qarşılıqlı münasibətlərin mövcud olması kimi hallar müəyyən edilib. Orta məktəblərdə tədris prosesinin düzgün təşkil edilməməsi, məktəb rəhbərliyinin öz üzərinə düşən vəzifələri qanunla müəyyən edilmiş qaydada icra etməməsi də haqlı narazılıqlara və şikayətlərə səbəb olub. Məktəblərdə təlim-tərbiyə və tədris prosesinin təşkili ilə bağlı şikayətlərin araşdırılması nəticəsində aşkar edilmiş nöqsan və çatışmazlıqlar aradan qaldırılmış və təqsirkar tədris işçiləri barəsində qanunamüvafiq tədbirlər görülüb.
Bölmənin digər xəbərləri
