Mərkəzi Bankın notlarının yerləşdirilməsi üzrə hərrac keçirilib
Bakı, 14 oktyabr, AZƏRTAC
Bakı Fond Birjasında (BFB) Azərbaycan Respublikasının Mərkəzi Bankının (AMB) AZ2016024708 dövlət qeydiyyat nömrəli 30 milyon manat həcmində 252 gün notlarının yerləşdirilməsi üzrə hərrac keçirilib.
AMB-dən AZƏRTAC-a bildirilib ki, hərracı zamanı 9 investor tərəfindən qiymət intervalı 96.2927 manat (5,50 faiz) və 97.144 manat (4,20 faiz) olan 15 sifariş təqdim edilib. Sifarişlərin nominal qiymətlə ümumi məbləği 47 milyon 950 min 400 manat olub. AMB-nin qərarına əsasən, notların kəsmə qiyməti 96.4293 manat (5,29 faiz) və orta ölçülmüş qiyməti 96.6033 manat (5,02 faiz) olaraq müəyyənləşdirilib. Hərrac nəticəsində notların yerləşdirilmiş həcmi 30 milyon manat təşkil edib.
Notlar gələn il iyunun 22-də ödəniləcək. Hərracda toplanmış tələb təklifdən çox olduğu halda təklif emitent tərəfindən ilkin olaraq hərraca çıxarılmış məbləğin maksimum 20 faizinə qədər artırıla bilər.
Bölmənin digər xəbərləri
