“Mətanət A” şirkəti Türkiyənin AFAD fonduna 500 min TL ianə edib
Bakı, 14 fevral, AZƏRTAC
“Mətanət A” şirkəti Türkiyədə baş verən təbii fəlakətdə həyatını itirənlərin ailələrinə dərin hüznlə başsağlığı verir, ölənlərə Allahdan rəhmət diləyir.
Daim sosial məsuliyyətə önəm verən “Mətanət A” şirkəti fevralın 8-də Türkiyənin Fövqəladə Halların İdarə Olunması Agentliyinin (AFAD) rəsmi fonduna 500 min TL məbləğində vəsait ianə edib.
Xatırladaq ki, Türkiyədə baş vermiş 7,7 ballıq zəlzələ nəticəsində ölkənin cənub-şərq bölgəsi ciddi dağıntılara məruz qalıb, minlərlə insan həlak olub. Türkiyə Prezidenti Rəcəb Tayyib Ərdoğan ölkədə 7 günlük matəm və 10 zəlzələ bölgəsində 3 aylıq fövqəladə vəziyyət elan edib.
Bölmənin digər xəbərləri
