“Microsoft” Münxendə mənzil-qərargah tikəcəkdir
Bakı, 20 noyabr (AZƏRTAC).“Microsoft” korporasiyası Münxenin şimal hissəsində yerləşən ərazini mənzil-qərargahının inşası üçün uzunmüddətli icarəyə götürmüşdür.
2,6 hektarlıq ərazi “Parkstadt Schwabing” rayonunda yerləşir və “Argenta” Şirkətlər Qrupuna məxsusdur. Binanın tikintisinə 2014-cü ildə başlanılması və 2016-cı ilin yazında başa çatdırılması nəzərdə tutulmuşdur.
Bina “LEED” qızıl sertifikatı standartına uyğun olacaqdır. Burada “yaşıl” ofis otaqları ilə yanaşı, yeməkxana və idman mərkəzi yerləşəcəkdir.
Münhen ofisi ABŞ korporasiyasının Avropada böyüklüyünə görə ikinci nümayəndəliyi olmaqla burada 1800 əməkdaş çalışacaqdır. “Microsoft”un regionda ən böyük mənzil-qərargahı Parisdə yerləşən ofisidir.
Bölmənin digər xəbərləri
