Milanda furqonda baş verən partlayış güclü yanğınla nəticələnib
Roma, 11 may, AZƏRTAC
İtaliyanın Milan şəhərinin mərkəzi küçələrinin birində dayanmış furqondakı oksigen balonlarının partlaması nəticəsində güclü yanğın baş verib.
AZƏRTAC xəbər verir ki, yanğın ətrafdakı avtomobilləri də əhatə edib. Şahidlərin hadisə yerindən çəkdikləri videogörüntülərdə böyük alov və qara tüstü görünür.
Küçədəki binalardan və yaxınlıqdakı uşaq bağçasından insanlar təxliyə olunub. Yanğınsöndürənlərin müdaxiləsi üçün ətraf küçələr nəqliyyatın hərəkəti üçün bağlanıb.
Hadisə nəticəsində bir nəfər xəsarət alıb, beş avtomobil yanıb. Hazırda müvafiq araşdırmalar aparılır.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
