Milli Azərbaycan Tarixi Muzeyində yeni kataloq hazırlanır
Bakı, 28 mart, AZƏRTAC
Azərbaycan Milli Elmlər Akademiyasının Milli Azərbaycan Tarixi Muzeyində “Azərbaycanın antik dövr keramikası. Oynoxoyalar” adlı kataloq hazırlanır.
Muzeydən AZƏRTAC-a bildiriblər ki, arxeologiya elmi fond şöbəsində hazırlanan kataloq bu fondda qorunan oynoxoyalara həsr olunur.
Oynoxoyalar muzeydə qorunan digər saxsı qablardan uzun novalça şəkilli ağızları ilə fərqlənir. Özünəməxsus formaya malik olan bu qablar Qəbələ, Mingəçevir və digər rayon və şəhərlərdən tapılıb. Arxeoloji ədəbiyyatda bu qablar əsasən “süddan”, “süddan biçimli”, “süddanvari” adlandırılır.
Həmin qabların adı, dövrü, təyinatı və digər cəhətləri ilə bağlı məlumatlar kataloqda yer alacaq. Eyni zamanda, kataloqda arxeologiya fondunda qorunan bütün oynoxoyaların tapılma məkanı və ili, təsviri, ölçüləri, saxlanma vəziyyətləri, öyrənilmə səviyyələri, dövrü və fotoşəkilləri veriləcək.
Bölmənin digər xəbərləri
