Milli Bankın Mətbuat xidmətinin məlumatı
Milli Bankın İdarə heyəti “Azərbaycan Respublikası Milli Bankı haqqında” Qanunun 35-ci, “Azərbaycan Respublikasında banklar və bank fəaliyyəti haqqında” Qanunun 14-cü maddələrini əsas götürərək, valyuta qanunvericiliyini kobud şəkildə pozduğuna və maliyyə vəziyyəti qənaətbəxş olmadığına görə, “Elinbank” İnvestisiya Kommersiya Bankının və uzun müddət fəaliyyətini dayandırdığına görə “Ege Beynəlxalq Bank-Bakı” Kommersiya Bankının lisenziyalarını ləğv etmişdir.
Lisenziyası ləğv olunmuş banklara ləğvetmə komissiyalarının yaradılması tapşırılmışdır. Adı çəkilən bankların xidmət göstərdiyi müştərilərə tövsiyə olunur ki, onları maraqlandıran məsələlər barədə həmin banklara müraciət etsinlər.
Bölmənin digər xəbərləri
