MİLLİ FƏALİYYƏT PLANININ TƏTBİQİ İLƏ BAĞLI DİNLƏMƏLƏR DAVAM EDİR
Ombudsman Aparatından AZƏRTAC-a bildirmişlər ki, insan hüquqlarının müdafiəsi üzrə Milli Fəaliyyət Planı (MFP) ilə bağlı növbəti ictimai dinləmələr Gədəbəydə keçirilmişdir.
Tədbirdə rayon icra hakimiyyətinin və bələdiyyələrin, məhkəmə, daxili işlər şöbəsi və prokurorluğun, dairə seçki komissiyalarının və digər qurumların nümayəndələri iştirak etmişlər.
Ombudsman Elmira Süleymanova ölkəmizdə insan hüquqları sahəsində həyata keçirilən islahatlar barədə məlumat vermiş, MFP-nin təsdiq edilməsindən ötən müddətdə görülən işlərdən danışmışdır.
Müzakirələrdə çıxış edənlər MFP-də məhkəmə, prokurorluq və polis orqanları qarşısında qoyulmuş vəzifələrin rayonda icrası ilə bağlı məlumat vermişlər.
Ombudsman N saylı hərbi hissədə də olmuşdur.
