MİLLİ MƏCLİS AZƏRBAYCANIN ƏFQANISTANDAKI SÜLHMƏRAMLILARININ SAYININ İKİ DƏFƏ ARTIRILMASINA RAZILIQ VERMİŞDİR
AZƏRTAC xəbər verir ki, Milli Məclisin oktyabrın 2-də keçirilən iclasında “Azərbaycan Respublikası Silahlı Qüvvələri taqımının Türkiyə Cümhuriyyəti Silahlı Qüvvələrinin taburu tərkibində və NATO strukturlarının ümumi komandanlığı altında Əfqanıstanda yerləşdirilməsinə və müvafiq əməliyyatlarda iştirak etməsinə razılıq verilməsi haqqında” Azərbaycan Respublikası Milli Məclisinin Qərarına dəyişiklik edilməsi barədə” qanun qəbul edilmişdir. Qanun layihəsində Azərbaycanın Əfqanıstandakı sülhməramlılarının sayının iki dəfə artırılması nəzərə tutulmuşdur.
Azərbaycanın beynəlxalq terrorizmə qarşı mübarizədə rolunun artdığını vurğulayan deputatlar, bu qərarın milli maraqlarımıza xidmət etdiyini bildirmişlər.
Hazırda Azərbaycan Silahlı Qüvvələrinin iki taqımı Əfqanıstanda sülhyaratma əməliyyatlarında iştirak edir.
Bölmənin digər xəbərləri
