MİLLİ MƏCLİSİN DEPUTATI AŞPA KOMİTƏLƏRİNİN İCLASLARINDA İŞTİRAK EDƏCƏKDİR
Milli Məclisin deputatı Rəfael Hüseynov Avropa Şurası Parlament Assambleyasının hüquqi işlər və insan hüquqları, həmçinin ətraf mühit, kənd təsərrüfatı, məhəlli və regional işlər komitələrinin iclaslarında iştirak etmək üçün dekabrın 15-dən 19-dək Parisdə səfərdə olacaqdır.
Milli Məclisin mətbuat xidmətindən AZƏRTAC-a demişlər ki, təşkilatın hüquqi işlər və insan hüquqları komitəsində terrorizmin qarşısının alınmasına dair Avropa Konvensiyasına dəyişikliklərin edilməsi, Şərqi Avropa dövlətlərinin vətəndaşlanrına viza verilməsində məhdudiyyətlərin aradan qaldırılması, Belorusda, Çeçenistanda vəziyyət müzakirə olunacaqdır.
Avropa Şurası Parlament Assambleyasının ətraf mühit, kənd təsərrüfatı, məhəlli və regional işlər komitəsinin iclasında ətraf mühit və insan hüquqları, gənc nəslin yetişməsində milli parlamentlərin rolu, aqrar sahənin inkişafı və digər məsələlər barədə fikir mübadiləsi aparılacaqdır.
Bölmənin digər xəbərləri
