MİLLİ MƏCLİSİN DEPUTATININ TƏKLİFİ RAZILIQLA QARŞILANMIŞDIR
Milli Məclisin regional məsələlər daimi komissiyası sədrinin müavini Şaitdin Əliyevin sözlərinə görə, iclasda “Bölgə ölkələrində təhsil, mədəniyyət və sosial məsələlərin inkişafında Avropa İttifaqının rolu” və digər məsələlər müzakirə olunmuşdur.
Ş.Əliyev gündəlikdəki məsələlərlə bağlı çıxış etmiş, Azərbaycanda bu sahələrə dövlət tərəfindən xüsusi diqqət yetirildiyini bildirmiş, Ermənistanın Azərbaycana qarşı təcavüzü nəticəsində bir milyondan çox adamın təhsil və digər sosial problemlərlə üzləşdiyini, işğal olunmuş ərazilərimizdə minlərlə mədəniyyət abidələrinin məhv edildiyini diqqətə çatdırmışdır. O, QİƏT PA-nı və Avropa İttifaqını problemin həllində səyləri artırmağa çağırmışdır. Deputatın çağırışı razılıqla qarşılanmışdır.
Şaitdin Əliyev Türkiyə, Gürcüstan, Ukrayna və digər ölkələrdən gəlmiş həmkarları ilə bir sıra ikitərəfli görüşlər keçirmiş, ölkələrimiz arasında münasibətlərin inkişafına dair fikir mübadiləsi aparmışdır.
Bölmənin digər xəbərləri
