Milli Məclisin deputatları Ukraynada prezident seçkilərini müşahidə edəcəklər
Kiyev, 27 mart, AZƏRTAC
Azərbaycan Respublikası Milli Məclisinin deputatları Ukraynada keçiriləcək prezident seçkilərini müşahidə edəcəklər.
AZƏRTAC xəbər verir ki, Azərbaycan-Ukrayna parlamentlərarası əlaqələr üzrə işçi qrupunun rəhbəri Rüfət Quliyev Milli Məclisin xətti ilə, deputat Naqif Həmzəyev Avropa Şurası Parlament Assambleyasının, Azər Kərimov isə GUAM Parlament Assambleyasının müşahidəçi qrupunun tərkibində Ukraynada keçiriləcək prezident seçkilərini izləyəcəklər. R.Quliyev və A.Kərimov Kiyevdə, N.Həmzəyev isə Odessa şəhərindəki seçki məntəqələrini müşahidə edəcəklər.
Qeyd edək ki, Ukraynada prezident seçkiləri martın 31-də keçiriləcək.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
