MİLLİ MƏCLİSİN NÜMAYƏNDƏ HEYƏTİ MİSİRƏ GEDƏCƏK
Milli Məclis sədrinin müavini Gövhər Baxşəliyevanın başçılıq etdiyi parlament nümayəndə heyəti dekabrın 22-dən 27-dək Misir Ərəb Respublikasında səfərdə olacaqdır.
Milli Məclisin mətbuat xidmətindən AZƏRTAC-a bildirmişlər ki, deputatlar Əsmətxanım Məmmədovanın, Amaliya Pənahovanın və Xalis Ələgərovun da daxil olduqları nümayəndə heyəti Misir parlamentinin üzvləri, Xarici İşlər Nazirliyinin nümayəndələri ilə görüşəcəkdir. Misirin qanunverici orqanının sədri Əhməd Fəthi Surur ilə də görüş keçiriləcəyi gözlənilir.
Görüşlərdə parlamentlərarası əlaqələrin perspektivləri müzakirə ediləcək, qanun yaradıcılığı sahəsində əməkdaşlıq, qarşılıqlı surətdə faydalı münasibətlərin genişləndirilməsi, habelə regional münaqişələrin tənzimlənməsi məsələləri barədə ətraflı fikir mübadiləsi aparılacaqdır.
Bölmənin digər xəbərləri
