Milli Ödəniş Sistemi vasitəsilə 343 milyard manatlıq əməliyyat aparılıb
Bakı, 14 fevral, AZƏRTAC
Ötən il ölkədə Milli Ödəniş Sistemi (AZİPS, XÖHKS, AÖS) vasitəsilə aparılan əməliyyatların ümumi həcmi 343 milyard manat, sayı isə 97,6 milyon ədəd təşkil edib.
AZƏRTAC Mərkəzi Banka istinadla xəbər verir ki, hesabat dövründə Milli Ödəniş Sisteminin əsas komponentləri olan iri və təcili ödənişlər üzrə “Real Vaxt Rejimində Banklararası Hesablaşmalar Sistemi”ndən (AZİPS) keçən ödənişlərin sayı 1,4 milyon ədəd, həcmi 300,1 milyard manat, xırda və daim təkrarlanan ödənişlərin elektron daşıyıcılarla həyata keçirilməsinə imkan verən “Xırda Ödənişlər üzrə Hesablaşma Klirinq Sistemi”ndən (XÖHKS) isə ödənişlərin sayı 95,9 milyon ədəd, həcmi 41,9 milyard manat olub. Ani Ödənişlər Sistemi (AÖS) vasitəsilə həyata keçirilən əməliyyatların sayı 337,3 min ədəd, həcmi isə 549,6 milyon manatdır.
2021-ci illə müqayisədə aparılan əməliyyatların həcmində AZİPS üzrə 63,3 faiz, XÖHKS üzrə isə 23,7 faiz, AÖS üzrə isə 2 dəfə artım müşahidə olunub. Milli Ödəniş Sistemi vasitəsilə kommersiya bankları tərəfindən aparılmış köçürmələrin sayı və həcmi 2021-ci illə müqayisədə müvafiq olaraq 37,9 faiz və 56,3 faiz artıb.
Bölmənin digər xəbərləri
