MİLLİ ORDUMUZUN MÖVQELƏRİ ATƏŞƏ TUTULMUŞDUR
Müdafiə Nazirliyinin mətbuat xidmətindən AZƏRTAC-a verilən məlumata görə, Ermənistan silahlı qüvvələrinin bölmələri avqustun 17-də saat 8.00-dan 8.25-dək, 22.40-dan 23.30-dək və avqustun 18-də saat 00.10-dan 00.25-dək fasilələrlə Füzuli rayonunun ərazisindəki adsız yüksəkliklərdə, Aşağı Əbdülrəhmanlı və Qərvənd kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini atəşə tutmuşlar.
Düşmən həmçinin saat 00.50-dən 01.00-dək Xocavənd rayonunun Kuropatkino kəndi, saat 00.30-dan 00.45-dək Ağdam rayonunun Yusifcanlı kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur. İtki yoxdur.
Bölmənin digər xəbərləri
