Milli vergi sistemimiz beynəlxalq vergi sisteminə səmərəli şəkildə inteqrasiya olunub
Bakı, 18 fevral, AZƏRTAC
Bu gün vergi sistemində aparılan islahatların ən böyük uğurlarından biri də milli vergi sisteminin beynəlxalq vergi sisteminə səmərəli şəkildə inteqrasiya olunmasıdır.
AZƏRTAC İqtisadiyyat Nazirliyi yanında Dövlət Vergi Xidmətinə (DVX) istinadla xəbər verir ki, bu barədə xidmətin rəis müavini Samirə Musayeva bildirib.
Qeyd olunub ki, ötən il vergi orqanları İqtisadi Əməkdaşlıq və İnkişaf Təşkilatının BEPS - vergitutma bazasının aşınması və mənfəətin köçürülməsi layihəsi üzrə inklüziv çərçivəyə qoşulub və bununla da vergi orqanlarının beynəlxalq əməkdaşlıq çərçivəsi və imkanları daha da artıb: “Azərbaycanın vergi administrasiyası bir sıra nüfuzlu beynəlxalq təşkilatlarla, o cümlədən İqtisadi Əməkdaşlıq və İnkişaf Təşkilatı, Avropadaxili Vergi Administrasiyaları Təşkilatı, habelə beynəlxalq donor təşkilatları olan Dünya Bankı, Asiya İnkişaf Bankı, Avropa İttifaqı kimi təşkilatlarla səmərəli əməkdaşlıq edir, bir sıra yeni beynəlxalq trendlərin tətbiq olunması üçün texniki yardım layihələrindən faydalanır, çoxsaylı beynəlxalq sazişlərə qoşulub. Eyni zamanda, 55 ölkə ilə ikiqat vergitutmanın aradan qaldırılması ilə bağlı sazişlər qüvvədədir. Bu gün biz beynəlxalq vergi aləmində etibarlı vergi administrasiyası və tərəfdaş kimi çıxış edirik”, - deyə DVX-nin rəis müavini vurğulayıb.
Bölmənin digər xəbərləri
