MİNGƏÇEVİRDƏ NOVRUZ ŞƏNLİYİ
AZƏRTAC xəbər verir ki, Mingəçevirin mərkəzi meydanında Novruz şənliyi keçirilmişdir. Şəhər icra hakimiyyətinin başçısı Lütfəli Babayev, akademik Teymur Bünyadov, professor Vasim Məmmədəliyev, professor Tərbiz Əliyev şəhər sakinlərinə təbrik çıxışlarında ümummilli lider Heydər Əliyevin bu əziz el bayramının həmişə təntənə ilə keçirilməsinə xüsusi önəm verdiyini vurğulamış, Azərbaycan Prezidenti İlham Əliyevin Novruz bayramı münasibətilə xalqımıza təbrikinin mühüm əhəmiyyət kəsb etdiyini diqqətə çatdırmışlar.
Şəhər bədii özfəaliyyət kollektivlərinin, Mərziyə Davudova adına Mingəçevir Dövlət Dram Teatrının yaradıcı kollektivinin çıxışları şənlik iştirakçılarında xoş duyğular oyatmışdır.
Bayram tədbirində Novruz bayramına həsr olunmuş ümumşəhər muğam müsabiqəsinə də yekun vurulmuş, qaliblər mükafatlandırılmışdır.
Bölmənin digər xəbərləri
