MİNGƏÇEVİRDƏ ÖLÜMLƏ NƏTİCƏLƏNMİŞ YOL-NƏQLİYYAT HADİSƏSİ BAŞ VERMİŞDİR
Daxili İşlər Nazirliyinin mətbuat xidmətindən AZƏRTAC-a bildirmişlər ki, Mingəçevirdə şəhər sakini Heydər Hüseynovun idarə etdiyi “QAZ-31” markalı və Yevlax rayon sakini Rövşən Məmmədovun sürdüyü “QAZ-53” markalı avtomaşınlar toqquşmuşdur. Nəticədə “QAZ-31”in sürücüsü hadisə yerində ölmüş, xəsarət alan sərnişinlər- Mingəçevir şəhər sakinləri Ramil Eyvazov və Vidadi Rzayev xəstəxanaya yerləşdirilmişlər.
Mingəçevir Şəhər Polis Şöbəsində faktla bağlı araşdırmalar aparılır.
Əzizbəyov rayonunun Mərdəkan qəsəbəsində İlham Mirzəyev idarə etdiyi “VAZ-21011” markalı avtomaşınla Şüvəlan qəsəbəsinin sakini Gülsəfa Qurbanovanı vurmuşdur. Xəsarətlə xəstəxanaya yerləşdirilmiş piyadanın həyatını xilas etmək mümkün olmamışdır.
Hadisə ilə bağlı Əzizbəyov Rayon Polis İdarəsində cinayət işi açılmışdır.
Bölmənin digər xəbərləri
