MİNSK QRUPUNUN HƏMSƏDRLƏRİ DAĞLIQ QARABAĞDA KEÇİRİLMİŞ “REFERENDUMLA” BAĞLI BƏYANAT VERMİŞLƏR
Bəyanatda deyilir: ATƏT-in Minsk qrupunun həmsədrləri bildirirlər ki, Dağlıq Qarabağ rəhbərliyi beynəlxalq ictimaiyyətin heç bir üzvünün, o cümlədən, həmsədr ölkələrin müstəqil dövlət kimi tanımadığı “Dağlıq Qarabağ” adlı bir “respulika”nın dekabrın 10-da “konstitusiya” referendumunu keçirmişdir. Həmsədrlər inanmırlar kı, belə bir “referendum” Dağlıq Qarabağ münaqişəsinin həlli istiqamətində aparılan danışıqlar prosesinə xidmət edəcəkdir. Dağlıq Qarabağın hər hansı gələcək hüquqi statusu heç bir hədə olmadan, yaxud zor işlədilmədən, həm də bütün tərəflərin iştirakı ilə yalnız Minsk qrupu çərçivəsində və yalnız siyasi danışıqların nəticəsi kimi müəyyən edilməlidir. İndi belə bir referendumun keçirilməsi və beləliklə, kompromisləri gözləmədən Dağlıq Qarabağın statusunu vaxtından əvvəl müəyyən etmək cəhdi Minsk qrupunun vasitəçiliyi ilə Ermənistan və Azərbaycan arasında aparılan danışıqların konstruktiv şəkil aldığı indiki vaxtda xüsusilə əbəsdir. Həmsədrlər ümid edirlər ki, həmin referendumun beynəlxalq ictimaiyyət tərəfindən tanınmayan nəticələri münaqişənin həlli üçün tərəflər arasında əsas prinsiplər çərçivəsində əldə ediləcək gələcək razılaşmaya heç bir mənfi təsiri olmayacaqdır”.
Bölmənin digər xəbərləri
