MİSİR ƏNTİQ ƏŞYA OĞRULARI İLƏ MÜBARİZƏNİ GÜCLƏNDİRİR
General demişdir: “Misir öz tarixi boyu dəfinəaxtaranlarla mübarizə aparmışdır. Təkcə 1993-2002-ci illər ərzində ölkədən 13 min 600 qədim sənət nümunəsi çıxarılmışdır. Onların çoxu sonradan xarici muzeylərdə nümayiş etdirilmişdir. Oğurlanmış əşyaların yalnız 20 faizini, özü də uzun sürən danışıqlardan sonra qaytarmaq mümkün olmuşdur”.
Məsələn, bu yaxınlarda İsveçrə Misirə 200 əşya qaytarmışdır. Bu günlərdə Luksor şəhər məhkəməsi həmin qiymətli qədim incəsənət əsərlərinin İsveçrəyə aparılmasını təşkil etmiş beynəlxalq quldur dəstəsinin üzvlərini 12-20 il, başçılarını isə 35 il müddətinə azadlıqdan məhrum etmişdir.
General vurğulamışdır ki, hazırda Misirin 15 tarixi ərazisində obyektlərin qorunması üçün müasir video və elektron mühafizə sistemləri quraşdırılmışdır.
Lakin Misirin əntiq əşyalar üzrə Ali Şurasının baş katibi Zəhi Xəvas bildirmişdir ki, YUNESKO-nun oğurlanmış əşyaların qaytarılması barədə beynəlxalq sazişi imzaladığı 1972-ci ilədək ölkədən çıxarılmış bütün əşyalar birdəfəlik itirilmişdir.
Bölmənin digər xəbərləri
