Misirin “Əl Diplomasi” portalı Ermənistanın atəşkəs rejimini pozmasından yazıb
Qahirə, 9 yanvar, AZƏRTAC
Misirin “Əl Diplomasi” portalı Ermənistan silahlı qüvvələri bölmələrinin yanvarın 8-də atəşkəs rejimini pozması barədə Azərbaycan Müdafiə Nazirliyinin məlumatını yayıb.
AZƏRTAC-a istinadla yayımlanan xəbərdə qeyd olunub ki, Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsi istiqamətindən “AQS” və iriçaplı silahlardan istifadə etməklə Azərbaycan Ordusunun Kəlbəcər rayonu ərazisində yerləşən mövqelərini atəşə tutub.
Xəbərdə diqqətə çatdırılıb ki, Azərbaycan Ordusu bölmələrinin cavab tədbirləri nəticəsində qarşı tərəf susdurulub. Şəxsi heyət və texnika sarıdan itki yoxdur. Hazırda həmin istiqamətdə vəziyyət sabitdir, əməliyyat şəraiti Azərbaycan Ordusunun nəzarəti altındadır.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
