Misli Premyer Liqası: “Zirə” – “Araz-Naxçıvan” oyununda qalib müəyyənləşməyib
Bakı, 19 avqust, AZƏRTAC
Misli Premyer Liqasında ilk turun daha bir oyunu keçirilib.
AZƏRTAC xəbər verir ki, bu mövsüm Azərbaycanı UEFA Konfrans Liqasında təmsil etmiş “Zirə” və “Araz-Naxçıvan” komandaları üz-üzə gəliblər. Zirə İdman Kompleksinin stadionunda reallaşan görüş 1:1 hesabı ilə başa çatıb. Meydan sahiblərinin heyətində İssa Cibrila 45+1-ci dəqiqədə fərqlənib. Qonaqların qolunu isə 64-cü dəqiqədə Bəxtiyar Həsənalızadə vurub.
Qeyd edək ki, I turun əvvəlki matçlarında “Turan-Tovuz” “İmişli”ni (1:0), "Sumqayıt" "Kəpəz"i (3:0) məğlub edib. "Karvan-Yevlax" - "Qəbələ" və "Neftçi" - "Şamaxı" görüşlərində 1:1 hesablı heç-heçə qeydə alınıb. Turun “Sabah” - “Qarabağ” oyunu isə təxirə salınıb.
Bölmənin digər xəbərləri
