Misli Premyer Liqası: “Zirə” “Kəpəz”i darmadağın edib, “Neftçi” “Sumqayıt”a uduzub
Bakı, 8 dekabr, AZƏRTAC
Misli Premyer Liqasının XVI turunda daha 2 oyun keçirilib.
AZƏRTAC xəbər verir ki, günün ilk matçında "Zirə" Tovuzda "Kəpəz"in qapısından 4 cavabsız top keçirib.
Günün son matçında isə "Sumqayıt" doğma meydanda "Neftçi" ilə qarşılaşıb. Görüş meydan sahiblərinin 2:0 hesablı qələbəsi ilə yekunlaşıb.
Qolları Kamran Quliyev və Cordan Rezabala vurublar.
Bu qələbə sayəsində xallarının sayını 19-a çatdıran "Sumqayıt" altıncı sırada qərarlaşıb. "Neftçi" isə 13 xalla səkkizinci pillədə yer alıb.
Qeyd edək ki, turun əvvəlki oyunlarında "Araz-Naxçıvan" "Səbail"ə 2:0 hesabı ilə qalib gəlib, "Sabah" və "Qarabağ" oyunu isə qollu heç-heçə ilə başa çatıb - 1:1. Tura sabah keçiriləcək "Turan Tovuz" - "Şamaxı" matçı ilə yekun vurulacaq.
Bölmənin digər xəbərləri
